Halka lagu dhex dhexaadinayo Imaaraadka iyo Somaliya oo la dhigayo Riyaad

0
20

Saraakiil katirsan Sacuudiga ayaa laga soo xigtay in ay Gogol dhigayaan Magaalada Riyadh ee Caasimadda Sacuudiga si ay ugu wada hadleen Wufuud ka kala imaanaya Dowladda Federaalka iyo Imaaraatka Carab oo aysan sheegin Maqaamkooda ama Darajadooda.

Sacuudiga ayaa qorshihiisu yahay in aanan u gudbin Khilaafka ka dhashay Heshiiskii Saami qeybsiga Dekeda Berbera ee u dhaxaayay Shirkadda DP-World ee Imaaraatka laga leeyahay, Dowladda Federaalka Itoobiya iyo Maamulka Somaliland mid u dhaxeeyo Labada Dowladood.

Heshiiskaas waxaa qaraar ka dhan ah Shirkadda Dekedaha Caalamiga ee Dubai, iyagoona Golaha Shacabka Baarlamaanka Federaalka Soomaaliya ay cod ku ansixiyeen qaraarkaasi, dalkana kaga mamnuucay.

Sacuudiga ayaa saaxiib dhaw la ah Labadaan Dowladood, wasiirka arrimaha Dibadda oo dacwad ka dhan ah Imaaraatka u gudbiyay Jaamacadda Carabta ayaa sheegay in mid kamid ah Dowladaha ururkaan xubnaha ka ah ay waan waan waddo, inkastoo aanan sheegin dalka ay tahay.

Boqortooyada Sacuudiga ma sheegin muddo Cayiman oo ay gogoshaan ku dhigeyso, balse Saraakiil katirsan ayaa laga soo xigtay in sida ugu dhaqsiyaha badan Gogoshaan ay u dhigayaan Magaalada Riyadh.

Imaaraatka Carabta wali kama hadlin Heshiiskii Heshiiskii Berbera, Qaraarkii Baarlamaanka iyo Dacwadii Jaamacadda Carabta ay u gudbisay Dowladda Federaalka Soomaaliya.

LEAVE A REPLY

Please enter your comment!
Please enter your name here