Xiddig Katirsan Manchester United Oo Albaabka U Furay U Dhaqaaqista Arsenal

0
25

Weeraryahanka Manchester United Anthony Martial ayaa albaabka u furay inuu u dhaqaaqo Arsenal haddii Tababare Jose Mourinho sii ahaado tababaraha kooxda ku ciyaaarta Old Trafford xagaaga dambe.

Sida laga soo xigtay jariiradda Faransiiska ee Le10Sport, weeraryahanka ayaa go’aansaday inuu joogo Premier League ka hor inta uusan ka fakirin qorshaha uu ugu dhaqaaqayo kooxaha ka dhisan dibadda.

Chelsea iyo Tottenham ayaa sidoo kale lala xiriirinayaa Martial oo dhaliyay 36 gool 131 kulan oo uu u saftay Red Devils tan iyo markii uu yimid.

Tababare Arsene Wenger ayaa taageere weyn u ah ciyaaryahanka heerka caalami ee dalka France, laakiin Manchester United ayaa caqabad ku noqon karta qorshaha heshiiskaan.

Dhinaca kale Arsene Wenger ayaa aaminsan in Danny Welbeck uu ku soo laabtay qaab ciyaareedkiisii ugu xooganaa.

Welbeck ayaa cadeeyay inuu muhiim u yahay Arsenal xilli ciyaareedka soo socda ka dib markii uu goolal muhiim ah ka dhaliyay AC Milan iyo CSKA Moscow tartanka Europe League.

 

LEAVE A REPLY

Please enter your comment!
Please enter your name here