{DAAWO SAWIRADA } Madaxweynaha Hirshabeelle Oo Maanta Ku Laabtay Jowhar

0
265

Madaxweynaha Maamulka Hirshabeelle Maxamed Cabdi Waare  iyo wafdi uu hogaaminayo ayaa Maanta dib ugu laabtay Magaalada Jowhar,iyadoo halkaasi si weyn loogu soo dhaweeyay

Wafdiga Madaxweynaha ayaa waxaa Garoonka diyaaradaha Jowhar kusoo dhaweeyay Madaxweyne kuxigeemka Hirshabeelle,xubno ka tirsan labada Gole,iyo Mas’uuliyiin kale oo ka tirsan maamulka Hirshabeelle.

Madaxweynaha Hirshabeelle Maxamed Cabdi Waare ayaa maalmahan ku sugnaa Magaalada Baydhabo,halkaasi uu ka qeyb galay Caleemo-saarka Madaxweynaha Koonfur Galbeed Cabdicasiis Xasan Maxamed Lafta-gareen.

Madaxweyne Waare oo warbaahinta ku hadlay Magaalada Jowhar ayaa ka hadlay dagaal beeleedyada ka socda deegaano ka tirsan Hirshabeelle,isagoona baaq nabadeed u diray baalaha dagaalamaya .

Sidoo kale waxa uu ku baaqay Madaxweynaha in si deg deg ah loo joojiyo colaadaha dhiiga ku daadanaya ee ka soconaya Xadka Gobolka Sh/dhexe iyo Hiiraan.

Shalay ayaa waxaa Magaalada Jowhar dib ugu laabtay Madaxweyne kuxigeenka Hirshabeelle Cali Cabdullaahi Xuseen Cali Guudlaawe oo dalka uga maqnaa safar dhinaca dibada ah.

LEAVE A REPLY

Please enter your comment!
Please enter your name here