Dowlada Iran Oo Sheegtay Inay Gacanta Ku Dhigeen Markab Tahriibinayey Shidaalkooda

0
110

Telefishinka Dowladda Iiraan waxa uu  maanta sheegay inay Ciiddanka Ilaaladda Kacaanka Iiraan gacanta ku dhigeen Markab shisheeye oo Booyadle ah, kaasi oo la sheegay inuu tahriibinayey Shidaal.

Telefishinka Iiraan ma uusan sheegin dalka laga leeyahay Markabka ay qabteen ama dalalka ay u dhasheen Badmaaxiinta la socotay Markabkaasi.

Markabkaasi oo ay la socdaan 12 shaqaale shisheeye, waxaa ku raran hal million oo litir oo shidaal ah.

Dadka Iiraaniyiinta ee wax tahriibiya ayaa la sheegay inay ka dambeeyeen Shidaalka uu waday Markabkaasi oo ku sii jeeday dal shisheeye oo aan la carabaabin.

Dhinaca kale, Markabka ay Iiraan qabteen ayaa u muuqday Markab laga leeyhay dalka Imaaraadka Carabta, kaasi oo Axaddii la soo dhaafay la waayey halkii uu ku dambeeyey.

LEAVE A REPLY

Please enter your comment!
Please enter your name here