Guddiga Doorashooyinka Qaranka Oo Lagu Eedeeyay In Ay Muddo Kordhin u……

0
67

Xildhibaan Mohammed Hassan Idris oo ka mid ah xildhibvanada golaha shacabka ee Somalia ayaa bartiisa Bacebook waxa uu ku qoray maqaal dheer oo uu uga hadlay shaqada guddiga KMG ah ee diyaarinta sharciga doorashooyinka kana tirsan golaha shacabka.

Waxa uu sheegay xildhibaan Maxamed Xasan Idiris in guddigaan diyaarinta sharciga doorashooyinka uu wado sida uu tilmaamay  soo jeedin ah in muddo kordhin loo sameeyo golaha baarlamaanka iyo madaxweynaha 2-ilaa 3-sano.

Dhinaca kalana waxa uu sheegay in aysan jirin xili dalku uu ka mudnaa in muddada loo kordhiyo waqtigii uu madaxweynaha ka ahaa Sheikh Shariif Sheikh Axmed oo dagaalo ay ka socdeen degmooyin ka tirsan gobolka Banaadir xiligaas oo dalku kala guur ku jiray dowlad fedraal ahna loo diyaarinayay.

“Sababa kaloo maangal ah intaas ka wayn oo aan hada ku sababeysan karno inaan xilkororsano Aniga iyo dad badan oo Soomaaliyeedba nooma muuqan karto ayuu hadalkiisa ku yiri xildhibaan Maxamed Xasan Idiris.

Ugu dambeyn waxa uu talo u soo jeediyay guddiga waxaana uu yiri ”Inkastoo Gudigaan Keliya shaqadiisu tahay ineey Golaha Shacabka horkeenaan Wax laga doodi karo oo macquul ah hadana waxaan kula talinaayaa inaaney kula soo dhiiran ineey Golaha Shacabka iyo Umadda Soomaaliyeedba la soo hor istaagaan xil ku darsasho/kororsi si dalka rajadiisa dib u heshiisiineed iyo isku keenidiisaba u suura gasho, hadii kale waxeey Gudigan baal Mugdi gali doodaan taariikhda dalka , ayadoona suura galidoonin riyo maalmeedkaas Villa Somalia ay iskaga riyootey!.

LEAVE A REPLY

Please enter your comment!
Please enter your name here