Dowlda Mareykanka Oo Ka Hadashay Duqeyn Ka Dhacday Soomaaliya

0
139

Taliska Ciidanka Mareykanka ee Qaaradda Afrika ee loo yaqaano AFRICOM ayaa faah faahin ka bixiya duqeyn diyaaradeed oo shalay uu ka fuliyay Gobolka Shabeellaha Hoose.

War qoraal ah oo kasoo baxay Taliska Mareykanka ee Afrika ayaa waxaa lagu sheegay in duqeynta ay ka dhacday deegaanka Hantiwadaag ee ka tirsan Shabellaha Hoose, isla markaana waxaa lagu dilay xubin ka tirsan Al-shabaab.

Howlgalkaan oo ay fuliyeen Ciidamo Mareykan ah ayaa lagu duqeeyay xaruumo ay Al-Shabaab kuleeyihiin Tuulada Hantiwadaag oo qiyaastii 12 KM u jirta degmada Janaale, Sida ay xaqiiyeen howlgalka Mareykanka ee Soomaaliya.

Dhanka kale Al-Shabaab ayaan dhankooda ka hadlin howlgalkan lagu qaaday xaruumahooda.

Ciidamada mareykanka iyo kumaandoosta Soomaaliya ayaa iyo dhowr jeer oo hore duqeyay xarumo ay Al Shabaab ku leeyihiin gobolka Shabeelada Hoose.