Akhriso:-Cabdi Xaashi Oo Soo Dhameystiray Guddi Doorasho Uu Magacaabay.

0
65

Guddoomiyaha Aqalka Sare ee Baarlamaanka Federaalka Soomaaliya Cabdi Xaashi Cabdullaahi ayaa dhameystiray Guddiga Doorashada Xildhibaanada Baarlamaanka Federaalka Soomaaliya ee kasoo jeeda Gobolada Waqooyi (Somaliland).

Wareegto kasoo baxday Xafiiska Guddoomiye Cabdi Xaashi ayaa lagu ku dhameystiray Guddiga Doorashada ee Xildhibaanada Somaliland oo ka kooban 8-xubnood, isagoo horena u magacaabay Afartii xubnood ee heer Federal ee Doorashada iyo Khilaafaadka.

Sidoo kale Wareegtada Cabdi Xaashi ayaa Xukuumadda Ra’iisul Wasaare Rooble lagu faray in xubnaha Maanta la magacaabay iyo afartii horeyba lagu daro Guddiyada Doorashooyinka 2020/2021 ay dowladda Federaalka magacaawday.

Guddoomiyaha Aqalka Sare ee dalka ayaa horey uga soo horjeestay Guddiyada Doorashada heer Federaalka iyo kuwa maamulaya Doorashada Xildhibaanada ka imaanaya Somaliland, kuwaasi oo uu magacaabay Ra’iisul Wasaare Maxamed Rooble.

Khamiistii lasoo dhaafay Cabdi Xaashi Cabdullaahi Guddoomiyaha Aqalka Sare ee dalka ayaa soo saaray Habraaca maamulka Doorashada Xildhibaannada labada Gole ee ka soo jeedda Gobolada Waqooyi (Somaliland).

Hoos ka Akhriso Wareegtada magacaabista ee Guddoomiye Cabdi Xaashi.