Musharaxiinta Madaxweyne oo caawa Muqdisho ku kulmay.

0
85

Qaar ka mid ah musharaxiinta madaxtinimada Soomaaliya ayaa caawa kulamo kala gaar gaar ah ku yeeshay magaalada Muqdisho.

Kulamadaa ayaa waxa ay dhex mareen Madaxweynihii hore ee Soomaalia Shariif Sheekh Axmed iyo Ra’isul Wasaarihii hore ee Soomaaliya Xasan Cali Kheyre, halka Madaxweynihii hore Xasan Sheekh uu la kulmay Madaxweynihii hore ee Galmudug Cabdikariin Xuseen Guuleed.

Kulamadaan ayaa waxaa intooda badan la isku dhaafsaday fikrado la xiriira doorashada uu haatan khilaafku hareeyey ee la qorsheeyey inay ka dhacdo dalka Soomaaliya.

Kulamadan gaargaarka ah ayaa waxaa ay ku soo beegmayaan iyadoo maalinta berri ah la qorsheeyay in kulan saddex cisho ah uu ugaga furmo caasimada dalka inta badan musharaxiinta madaxweynaha Soomaaliya.