Axmed Madoobe oo War culus kasoo saaray Doorashadii Aqalka Sare ee Kismaayo ka bilaabatay

0
74

Madaxweynaha Dowlad Goboleedka Jubbaland ayaa u hambalyeeyay Xildhibaannada Aqalka Sare ee doorashasooda Maanta ka dhacday Magaalada Kismaayo ee Gobolka Jubbada Hoose.

Qoraal kooban oo uu bartiisa facebook soo dhigay Madaxweynaha Jubbaland ayaa waxaa uu ku sheegay in Jubbaland ay Maanta gaartay guul weyn oo tariikhi ah.

HOOS KA AHRISO QORAALKA AXMED MADOOBE.

Alle weyne ayaa mahad leh.

Waxaan maanta gaarnay guul weyn oo tariikhi ah inagoo dalkeena ka saarnay hubanti la’aantii ku saab sanayd doorashada ee aanu mudo kusoo jiray.

Waxaan u hambalayaynayaa xildhibaanada cusub ee maanta loo doortay Aqalka sare ee Baarlamaanka JFS kuwaas oo ah kuwii ugu horeeyay guud ahaan dalkeena iyo Jubalandba lagu soo doorto doorashadan afartii sanaba mar dalkeena laga qabto.

Waxay tani ka dhigan tahay in dalku uu doorasho aaday, iyadoo qeybaha kale ee dhimana aan ku rajo weyn nahay inay xilliga ugu dhow qabsoomaan.

Waxaan u mahad celinayaa dhamaan guddiyada Doorashooyinka, Gudoonka iyo Xildhibaanada Baarlamaanka Jubaland iyo dhamaan cid walba oo kaalin ku lahayd billowga qabsoomida dorashooyinkan waxtarka weyn u leh himilooyinka shacabka Soomaaliyeed iyo dib u soo kabashada dalkeena ee dhinacyada Dowlad dhiska iyo hormarka.