War Deg Deg ah Baarlamaanka Galmudug oo codka kalsoonida u qaaday Golaha wasiirada cusub ee Galmudug

0
331

Xildhibaanada Baarlamaanka Maamulka Galmudug oo maanta kulan ku yeeshay Magaalada Cadaado, ayaa waxay cod aqlabiyad leh ku ansaxiyen Golaha Wasiirada cusub ee Maamulkaasi.

Kulanka oo uu shir guddoominaayay Gudoomiyaha Baarlamaanka Galmudug, Cali Gacal Casiir, ayaa codka kalsoonida waxaa loogu qaaday Xildhibaanada. Codka ayaa ahaa mid gacantaag ah.

Kulanka oo ay soo xaadireen 69 xubnood, ayaa 66 ka mid ah waxay haa ugu codeeyen inay sharci yihiin Golaha Wasiirada. Gudoomiyaha Baarlamaanka Galmudug iyo Labadiisa Ku Xigeeno oo kulanka goobjoog ka ahaa, ayaan iyagu codeynin.

Cali Gacal Casiir, Gudoomiyaha Baarlamaanka Galmudug, ayaa ku dhawaaqay in cod aqlabiyad leh uu Baarlamaanka Galmudug ku meelmariyay Golaha Wasiirada cusub.

Madaxweynaha waxa uu soo dhaweeyay aragtida Xildhibaanada markii hore ka hortimid Golaha Wasiirada, isla-markaana uu kaga mahadcelinaayo tanaasulka ay sameeyen, sida uu yiri.

C/kariin Xuseen Guuleed, Madaxweynaha Galmudug oo kulankaasi ka qaybgalay, ayaa Xildhibaanada kaga mahadceliyay sida wanaagsan, ee ay codkoodu u siiyen Golaha Wasiirada.