Baarlamaanka Oo U Codeynaya Sharciga Iibka Qaranka

0
419

Barlamanka Federaalka Soomaaliya ayaa maanta u codeynaya sharciga Iibka Qaranka, iyada oo aqrinta labaad la marin doono  sharciga Maxkamadda Dastuuriga.

Xildhibaan Maxamed Cumar Maxamuud habdhawraha baarlamaanka oo la hadlay warbaahinta ayaa sheegay in ajandaha koowaad ee shirka baarlamaanka ee maanta uu yahay meel marinta sharciga Iibka Qaranka, iyadoo ay jiraan labo hindise sharciyeed kale oo isla maanta baarlamaanka horyaala.

“Maanta waxa jirta u codeynta sharciga Iibka Qaranka oo horey u soo maray sharciga oo ah saddex akhrin, waxaa jirta in akhrinta labaad uu mari doono sharciga Maxkamadda Dastuuriga, waxaana xigi doono marka fursad loo helo in Xildhibaannada ay ka doodaan sharciga been Xalaaleynta” ayuu yiri Xildhibaan Maxamed Cumar.

Xildhibaanka ayaa xusay in ay jiraan dhowr iyo labaatan hindise sharciyeed ay horyaalaan golaha, isla markaana guddoonka uu marba xoogga saaro hadba sida ay u kala horeeyaan.