{DAAWO SAWIRADA} Shirkii Odayaasha Dhaqanka Soomaaliyeed oo soo dhamaaday iyo War-Murtiyeed laga soo saaray

2
520

Waxaa maalintii shalay lasoo gabo gabeeyay Shirkii Madasha Wadatashiga Hogaamiye Dhaqameedka Soomaaliyeed, oo mudo saddex maalmood ka socday xarunta Dhaqanka ee magaalada Qardho.

Shirka waxaa ka qeyb galay in ka badan 100-Oday dhaqameed oo ka kala tagay guud ahaan Soomaaliya, waxaana shirkan gogoshiisa dhgay Boqor Burhan Boqor Muuse oo ah boqorka Beelaha Daarood.

Gabo gabdii shirka ayaa waxaa laga soo saaray War-murtiyeed ka koobna 11-qodob, waxa ayna ku baaqen in laga shaqeeyo nabada lagana gudbo colaada Sukeeye, iyagoona baaq u diray guud ahaan Umada Soomaaliyeed.

War-Murtiyeedka Shirka laga so saaray ayaa u qornaa Sida tan.

Waxaa maalintii Talaadada ahayd uu shirka Madasha Wadatashiga Dhaqanka Soomaaliyeed ka bilowday magaalada Qardho, waxaana lasoo gaba gabeeyey maanta oo Khamiis ah. Shirkan ayaa looga hadlayey Mideynta iyo horumarinta Dhaqanka Soomaaliyeed.

1- Shir madasha wadatashiga dhaqanka Soomaaliyeed wuxuu ku baaqay in [Dagaalkii Sokeeye] uu dhamaaday, hase yeeshee meelaha Qaarkood ay ka jiraan Colaadaha kooban oo u baahan in la joojiyo.

2- IN Odayaasha Dhaqanka Soomaaliyeed ay yihiin Hogaanka ummada Soomaaliyeed meel kasta oo ay ku nool yihiin, waana Soojireen aan dhicin loona baahan yahay in ummada ay ku hogaamiyaan Cadaalad, Sinaan, Nabadeyn iyo Midnimo.

3- Waa in hogaanka Dhaqanka Soomaaliyeed ku Midowbaan ku dhaqanka [Shareecada Islaamka] oo ay yeeshaan Gole Dhaqan oo isku xira Dhaqanka Soomaaliyeed meel kasta oo ay joogaan.

4- Waa in ay Hogaamiyayaasha Dhaqanka yeeshaan [DALAD] ay ku mideysan yihiin, si ay u gutaan hawlaha loo igmaday, si hufnaan ku jirto iyo Cadaalad.

5- Oday dhaqameedka waxay hawlahooda Dhaqanka ku gudanayaan [Shareecada Islaamka] iyagoo la kaashanaya Culimada, waxay uga baahdaan xaga sharciga Islaamka.

6- Sida aan wada ognahay Qaranimadii Soomaaliyeed waxaa burburiyey [Qabyaalada], kuna baahday bulshada Soomaaliyeed dhexdeeda, sidaa daraadeed waxay ugu baaqeen in ummada Soomaaliyeed ka waantoobaan ku dhaqanka Qabyaalada iyo Quursiga. Kuna dhaqmaan Shareecada Islaamka si ay Adduunka iyo Aakhiroba liibaan u helaan.

7- Waxay ugu baaqeen hogaamiye dhaqameedka dhamaan ummada Soomaaliyeed [Nabadgelyo]. Nabada waa furaha nolosha iyo jiritaanka ummada. Sidaa daraadeed waa in si wadajir ah looga wada shaqeeyo sugida nabada iyo xasiloonida.

8- Waxaan ku baaqeynaa in la helo [Cadaalad] si loo helo sinaan iyo midnimo loo dhan yahay.

9- Waxaa ummada Soomaaliyeed ugu baaqeynaa in musiibooyinka aafeeyey oo ay kamid yihiin; Tahriiba, Xaalufka bada iyo beriga, Nabaad-guurka, Maandooriyayaasha in si wadajir ah looga hortago si loo ciribtiro.

10- Waxaan ugu baaqeynaa Beesha Caalamka iyo Hay´adaha inay gacan kasiiyaan Dowlada Soomaaliya sidii ay u illaalin lahayd [Khayraadka Dalka Soomaaliya bad iyo beriba].

11- Hogaanka Dhaqanka Soomaaliyeed wuxuu u mahadcelinayaa, doorka wax ku oolka ahaa oo ay Beesha Caalamka ay ka qaadatay Dib usoo nooleynta Qaranimada Soomaaliyeed iyo kaalmadii bini´aadamnimo oo ay u fidiyeen ummada Soomaaliyeed. Waxaana laga codsanayaa inay sii wadaan Kaalmada si loo gaaro Qaranimo Buuxda.








 

Comments are closed.