{DAAWO SAWIRADA} Madaxweynaha oo waraaqaha aqoonsiga ka guddoomay Danjiraha cusub ee Jabuuti

9
658

Madaxweynaha Soomaaliya Xasan Sheekh Maxamuud ayaa maanta Xarunta Madaxtooyada warqadaha aqoonsiga kaga guddoomay danjiraha cusub ee Jamhuuriyadda Jabuuti u fadhin doona magaalada Muqdisho, Mudane Aadan Xasan Aadan.

Madaxweynaha ayaa safiirka cusub u xaqiijiyey in Dowladda Federaalka ee Soomaaliya ay si buuxda ula shaqeyn doonto, una fududeyn doonto gudashada waajibaadkiisa.

“Waxaan ku faraxsanahay in walaalkey Ismaaciil Cumar Geelle uu kuu soo magacaabo xilkan, adigoo ah nin si wanaagsan arrimaha Soomaaliya u fahamsan. Waxaan si weyn ugu mahad celinaynaa danjirihii kaa horeeyay oo isna hawl aad u wanaagsan oo taariikhda lagu xusi doono Soomaaliya ka qabtey, Jabuuti kaalin mug leh ayuu ku leeyahay taariikda cusub ee dowlad dhisidda Soomaaliya, waxaana rumeysanahay in imaanshiyahaaga dalka uu sii xoojin doono xiriirka walaaltinimo iyo iskaashi ee labada waddan ka dhexeeya’’, ayuu yiri Madaxweynaha.

Danjire Aadan Xasan Aadan oo isna halkaasi ka hadley ayaa sheegay inuu ku faraxsan yahay inuu dalka Soomaaliya ka hawlgalo, isagoo intaa ku darey inuu wadashaqeyn buuxda la yeelano doono Dowladda Federaalka Soomaaliya.

Waxaa sidoo kale Danjiraha uu salaan gaar ah oo uu ka siday Madaxweyne Ismaaciil Cumar Geelle soo gaarsiiyey Madaxweyne Xasan Sheekh Maxamuud.

Munaasabaddan waxaa goobjoog ka ahaa Wasiirka Arrimaha Dibadda ee Soomaaliya C/salaan Hadliye Cumar iyo mas’uuliyiin kale oo ka tirsan Dowladda Federaalka Soomaaliya.

safiir-jabutisafir-jabuti1safir-jabuti4safir-jabuti5
safir-jabuti6safir-jabuti1

Comments are closed.