{DAAWO SAWIRADA} Madaxweynaha Gambia oo la sheegay inuu aqbalay in doorashada looga Guuleystay

0
412

Guddoomiyaha Guddiga Doorashada Gambia, Alieu Momar Njie, ayaa Maanta sheegay in madaxweynihii Gambia Yahya Jammeh uu qirtay in looga Guulaystay Doorashadii Madaxnimo ee shalay ka dhacday dalkaas.

Alieu Momar, ayaa hadaliisa ku daray in ay ahayd Waxaan la saadaalinay inuu qiran doono Hoggaamiyaha Gambia qirto in looga guulaystay doorashada ka hor intaan natiijada kama dambeysta ah la shaacin.

Madaxweynaha Gambia Yahya Jammeh oo talada dalkaas hayay tan iyo sanadkii 1994-kii, ayaan isagu weli toos uga hadlin Natiijooyinka hordhaca ah ee sheegaya inuu ka codad yar yahay Hoggaamiyaha Mucaaradka Adama Barrow oo ah Hogaamiyaha Mucaaradka Dalka Gambia.

“Waa tallaabo guul ah haddii uu aqbalo madaxweyne muddo dheer dalkan soo xukumayay in looga adkaaday doorashada,” ayuu hadalkiisa ku daray Guddoomiyaha Doorashooyinka Waddanka Gambia, Alieu Momar.

Yahya Jammeh oo Awoodda kula wareegay Af-gambi ayaa la sheegayaa in Hoggaamiyaha mucaaradka uu helay codadkii ugu badnaa ee magaalada xarunta ah ee Banjul oo awood uu ku leeyahay Jammeh.

Ugu dambeyn, boqollaal shacab ah ayaa isugu soo baxay magalooyinka waa-weyn ee dalka Gambia shalay oo ay doorasho socotay, iyadoo Xukuumaddu la jaray Internet-ka iyo Sidoo kale Taleefoonnada Dibadda.

doorashadii-gini-1 doorashadii-gini-5 doorashadii-gini-4 doorashadii-gini-3 doorashadii-gini-2