Puntland oo soo jeedisay in la dedejiyo doorashada madaxweynaha Soomaaliya

0
221

Guddoomiye ku xigeenka baarlamaanka Puntland ayaa soo jeediyay in xildhibaanada baarlamaanka Soomaaliya ay dedejiyaan doorashada madaxweynaha Soomaaliya ee sanadkan.

Guddoomiye ku xigeenka baarlamaanka Puntland Xuseen Yuusuf ayaa sheegay in xildhibaanada ka codsanayaan inay fududeeyaan doorashada madaxweynaha si loogu gurmado dadka abaaraha ay ku heystaan gobolada dalka.

Abaaraha ka jira dalka ayuu sheegay in looga mashquulay siyaadda Soomaaliya, sidaasi daraadeed ay haboon tahay in si dhaqso ah loo doortaa madaxweynaha dalka.

Shacabka Soomaaliyeed meel kasta oo ay dagaan ayuu ugu baaqay inay isku gurmadaan.

Wuxuu arin wanaagsan ku tilmaamay in meel looga soo wada jeestaa abaaraha ka jira dalka Soomaaliya, oo aan lagu sii mashquulin siyaasadda dalka.

Deegaano badan oo ka tirsan bariga Puntland ayaa waxaa ka jira abaaro daran oo dadka saameeyay.