Wararkii u dambeeyey Ciidamo Ka Tirsan Puntland Oo Isaga Baxay Deegaan Ka Tirsan Gobolka Bari

0
146

Wararka ka heleyo Gobolka Bari ayaa waxa ay sheegayaan in deegaano ka tirsan halkaasi saakay ay ka isaga baxeen Ciidamo ka tirsan kuwa Maamulka Puntland.

Ciidamadan ayaa waxaa la sheegay in ay isaga baxeen Saldhigyo ay ku lahaayeen deegaanka Buuraleyda Galgala ee Gobolka Bari,isla markaana ay u dhaqaaqeen dhinaca deegaanka lagu magacaabo Jimbac oo qiyaastii 28-KM dhanka bari kaga beegan degaanka Afurur ee Gobolkaasi.

Dadka deegaanka ayaa waxa ay sheegeen in Ciidamadii ka tirsanaa Puntland ee ku sugnaa halkaasi ay wateen Gaadiidka dagaalka,iyagoo isugu jiray Boolis iyo kuwa Daraawiishta.

Wararka qaar ayaa waxa ay sheegayaan in sababta Ciidamada Puntland Saldhigyadii ay ku lahaayeen deegaanka Buuraleyda Galgala uga baxeen ay tahay Mushaar la’aan Bilooyinkii dambe heysatay.

Ilaa iyo hada ma jiro wax war ah oo ka soo baxay maamulka Puntland eek u aadan Ciidamadii Maanta isagay baxay deegaan ka tirsan Gobolka Bari.

LEAVE A REPLY

Please enter your comment!
Please enter your name here