RW Rooble Iyo Madaxda Puntland Oo Kulan Albaabada U Xiran Yihiin U Socda.

0
159

Xarunta Madaxtooyada Puntland ayaa Goordhow waxaa kulan uga furmay Ra’iisul Wasaaraha Xukuumadda Federaalka Soomaaliya Maxamed Xuseen Rooble, Madaxweynaha Puntland Saciid Cabdullaahi Deni iyo ku-xigeenkiisa Axmed Cilmi Cismaan Karaash.

Kulanka oo ah mid Albaabada u xiran yihiin ayaa waxaa looga hadlayaa arrimo kala duwan oo ku aadan xaaladda siyaaaadeed ee dalka, Arrimaha doorashooyinka 2020/21 iyo Guddiyada lagu muaran yahay.

Waxaa kaloo Kulanka ayaa looga hadlayaa sidii loo xalin ahaa tabashooyinka ka jira Guddiyada doorashooyinka ee la magacaabay iyo sidii Puntland us oo gudbin laheyd Liiska xubnaha ku metelaya Guddiyada doorashadooyinka.

Sidoo kale Ra’iisul Wasaare Maxamed Rooble ayaa kulan gaar ah la qaadan doona Xildhibaanada, Golaha Wasiirada iyo Mas’uuliyiin kale oo ka tirsan Puntland, isagoo kala hadli doona sida uu qorshahu yahay arrimo kala duwan.

Ra’iisul Wasaaraha Xukuumadda ayaa waxaa uu kulan kale la yeelan doonaa inta uu ku sugan yahay Magaalada Garoowe, qeybaha kala duwan ee Bulshada gaar ahaan Odayaasha iyo siyaasiyiinta, isagoo kala hadli doona Arrimaha doorashada dalka ee 2020/21.

Muran xoogan ayaa xiligaan ka taagan Doorashada Soomaaliya gaar ahaan Guddiyada la magacaabay, waxaana Guddiyada siweyn uga soo horjeeda Musharaxiinta Madaxweynaha iyo maamulada Puntland iyo Jubbaland, iyagoona sheegay inay doonayaan in Isbedel lagu sameeyo Guddiyada.