Natiijo hordhac ah oo ka soo baxaysa doorashada hogaanka dalka Jarmalka.

0
139

Hoggaamiyaha bidix dhexe ee, Olaf Scholz, ayaa u sheegay taageerayaal tiro badan oo sacbinayey, inuu ku faraxsan yahay natiijada uu ka keenay xisbiga doorashadii dhacdey maanta.

Wuxuu tilmaamey Scholz inuu aad ula dhacey muwaadiniinta dalka Jarmalka, iney u codeeyeen xisbigooda, sidii ay kal horaba uggu codeyn jireen, isagoo intaa raaciyey in xisbiga ay haatan xaaladdiisu tahay mid aad u wanaagsan.

Isagoo hadalkiisa sii wata, ayuu hoggaamiye Scholz wuxuu ku macneeyey natiijada doorashada ee maanta dhacdey mid guul ah.

Wuxuu carabka ku dhuftey in codbixiyeyaasha ay muujiyeen sida ay isaga u doonayaan inuu noqdo ra’iisal wasaaraha xiga ee Jarmalka, marka ay ka dagto xilka ra’iisal wasaarenimada, haweeneyda Angela Merkel, oo muddo dhan 16 sano dalkan soo hoggaamineysay.