HORDHAC: Liverpool v Benfica – Reds Oo Villarreal Usii Muuqato, Benfica Oo Lama Filaan Doonaysa & Shaxda Macquulka Ah

0
150

Reds ayaa 3-1 uga soo adkaaday Benfica ciyaartaas kaddib goolal ay ka heleen Ibrahima Konate, Sadio Mane iyo Ruben Dias. Kooxda ka socota Portugal ayaan waxba la hadhi doonin ciyaartan iyagoo isku dayi doona inay natiijo aysan dunidu ka filayn la yimaadaan.

Kooxda soo baxda ayaa wareega afar dhammaadka ballan kaga samaysan doonta Villarreal oo xalay si cajiib ah meel u saartay Bayern Munich.

Wararka Labada Kooxood Ee Kulanka Kahor

Jurgen Klopp ayaan wax dhaawacyo ah ku qabin kooxdiisa. Konate ayaa ugu horreynba la filayaa inuu booskiisa kulankan ka bedeli doono Joel Matip.

Naby Keita ayaa isaguna shaxda kusoo laaban kara isagoo bedelaya kabtan Jordan Henderson halka ay macquul tahay in Curtis Jones uu soo galo booska Thiago.

Luis Diaz iyo Roberto Firmino oo keyd ahaa kulankii Man City ayaa boosas ka heli kara xulashadan iyaga oo kasoo hormaraya Sadio Mane iyo Diogo Jota.

Sidoo kale Benfica ayaan ka cabanayn wax dhaawacyo ah oo cusub balse waxa wali dhaawacyo jilibka ah kasoo kabanaya Rodrigo Pinho iyo Lucas Verissimo.

Shaxda Macquulka Ah Ee Labada Kooxood

Liverpool (4-3-3): Alisson; Alexander-Arnold, Konate, van Dijk, Robertson; Keita, Fabinho, Jones; Salah, Firmino, Diaz

Benfica (4-4-1-1): Vlachodimos; Gilberto, Otamendi, Vertonghen, Grimaldo; Silva, Weigl, Taarabt, Everton; Ramos; Nunez

Xogta Kulanka

Tartanka: Champions League

Garoonka: Anfield

Wakhtiga: 10:00 habeenimo xilliga geeska Africa

Garsoore: Serdar Gozubuyuk (Netherlands)