Jimco 07, Feb 2025 {HMC} โ Shacabka Gaza oo ka hadlay isku dayga la doonayo in loogu soo raro Soomaaliya ayaa wargeyska The Telegraph u sheegay in isku dayada lagaga saaraayo Marinka aysan โmarnaba guuleysan dooninโ.
Israaโiil ayaa xoojineysa qorshe ay dadka reer Gaza ugu dirayso Puntland, oo ah gobol iskiis isku maamula oo ka tirsan Soomaaliya, kaddib markii madaxweynaha Mareykanka Donald Trump uu sheegay uu u rari doono goobo โaad uga ammaan badan, uguna qurux badanโ Gaza.
Khamiistii, Israel Katz, oo ah Wasiirka Arrimaha Dibadda ee Israaโiil, ayaa faray Ciidamada Difaaca Israaโiil (IDF) inay isu diyaariyaan โHaajiridda ikhtiyaariga ahโ ee Falastiiniyiinta Marinka Gaza, oo ay ku jiraan โqaban qaabooyin gaar ahโ oo dhinaca badda iyo cirka ah.
โMa garanayo sababta ay Soomaaliya iyo Marocco u doorteen, iyo in dalalkani ay oggolaadeen inaan Gaza ka soo qaxno, laakiin Israaโiil waxay damacsan tahay inay qabsato Gaza, ayna ballaariso, kana dhisto deegaanno ay Yuhuuddu degto,โ ayuu yiri Axmed al-Hato, oo 50 jir ah, kuna nool magaalada Gaza.
โDawlad Falastiiniyiin ah ayaan dhisan doonnaa, marnabana kama qaxayno Gaza.โ
โRuntii, waan ka xumahay waxa aan sheegi doono,โ ayay tiri Saamiya al-Faqawi, oo 27 jir ah, kuna nool Khaan Yuunis, laakiin โin Soomaaliya loo doorto dal aan dhulkeenna uga soo haajirno, magangalyana ka raadsanno waa wax lagu qosloโ.
Wuxuu Axmed yiri: โSoomaaliya waa dhul aad u sabool ah, waana dhul oomane ahโฆ Waxaan kula talinayaa kuwa ka hadlaya barakicinteena inay fahmaan sida ay nolosheennu tahay, ayna ogaadaan inta aan jecelnahay Gaza, uguna xirannahay.โ
Maxamed al-Batniji, oo 55 jir ah, kana soo barakacay magaalada Gaza, ayaa isna taageeray aragtida Trump ee ku saabsan quruxda iyo awoodda horumarineed ee xeebta Gaza.
โSannad iyo bar ka hor waxaan ku noolaa guri cusub oo ka mid ah dhismayaasha dhaadheer ee casriga ah ee badda dhinaceeda ku yaalla, una dhow Corniche-ka iyo dekedda Gaza. Waa meel aad u qurux badan, degganna,โ ayuu yiri. โSaacado badan ayaan badda dhinaceeda fadhiisan jiray, daaqaddaydana waan ka arki karay.โ
Isagoo si toos ah ula hadlayay Trump, wuxuu yiri: โYaan la dhihin waxaad isku dayaysaa inaad Gaza ka dhigto goob dalxiis oo ay dadka dibadda ka yimaadaan u soo dalxiis tagaan. Gaza-dan annagaa leh, cid kalena ugama tagayno.โ
Will Brown, oo ah khabiir arrimaha Afrika ka faallooda oo ka tirsan Golaha Yurub ee Xiriirka Dibadda, ayaa sheegay in ka hadalka in boqolaal kun oo reer Gaza ah loo diro Soomaaliya ay tahay โwax aan caqligal ahaynโ.
โSoomaaliya waa dawlad fashilantay oo ay aafeeyeen rabshadaha jihaad-doonka. Fikradda ah in dad aad u dhaawacan lagu daadiyo halkaas waa mid naxdin leh,โ ayuu yiri.
