Jimco 07, Feb 2025 {HMC} โ Israaโiil ayaa xoojineysa qorshe ay dadka reer Gaza ugu dirayso Puntland, oo ah gobol iskiis isku maamula oo ka tirsan Soomaaliya, kaddib markii madaxweynaha Mareykanka Donald Trump uu sheegay uu u rari doono goobo โaad uga ammaan badan, uguna qurux badanโ Gaza.
Khamiistii, Israel Katz, oo ah Wasiirka Arrimaha Dibadda ee Israaโiil, ayaa faray Ciidamada Difaaca Israaโiil (IDF) inay isu diyaariyaan โHaajiridda ikhtiyaariga ahโ ee Falastiiniyiinta Marinka Gaza, oo ay ku jiraan โqaban qaabooyin gaar ahโ oo dhinaca badda iyo cirka ah.
Trump ayaa xoojiyay soo-jeedintiisii ahayd in Maraykanku uu qabsado oo dib u dhiso Gaza, inkastoo ay saraakiisha Aqalka Cad isku dayeen inay yareeyaan tallaabadaas.
Madaxweynaha ayaa sheegay in aan loo baahnayn ciidammo Maraykan ah si looga dhigo Gaza โmid ka mid ah horumarrada ugu waaweyn uguna cajiibka badan ee noociisa ah ee adduunkaโ, halka Falastiiniyiinta loo rari doono โguryo cusub oo casri ah oo ku yaalla gobolkaโ.
Inkastoo ay jirto iska-caabbin caalami ah oo xooggan, hadallada Trump ayaa kiciyay rajooyin muddo dheer soo jiitamayay oo ay Israaโiil qabtay oo ah in dadka reer Gaza laga saaro dhulka xeebta ah ee ay qarniyo badan deggenaayeen.
Dalalka deriska ah ee Masar iyo Urdun ayaa diiday inay martigeliyaan mid ka mid ah labada milyan ee qof ee ku haray Marinka burburay, iyagoo sheegay in tallaabadaasi ay si xun u wiiqi doonto dhismaha dawlad Falastiiniyiin ah.
Laakiin habeenkii Arbacada, Israel Bachar, qunsulka guud ee Israaโiil u fadhiya Koonfur-galbeed ee Baasifigga, ayaa sheegay in la tixgelinayo meelo kale oo loo raro.
โSida aan maqlayo, waxaan ka hadlaynaa saddex dawladood oo kala duwan,โ ayuu Bachar u sheegay CBS News. โOo hadda waxaad heli doontaan war muhiim ah.โ
โWaxaan ka hadlaynaa mid [oo ku taal] Morocco, laba [oo ku taal] Soomaaliya, Somaliland iyo Puntland, si gaar ah Puntland waa meesha ay fiirinayaan, laga yaabee, inay dadka u raraan saddexdaas meelood.โ
Dadka reer Gaza ayaa u sheegay wargeyska The Telegraph inaysan qorsheyneyn inay ka tagaan guryahooda oo ay aadaan Soomaaliya, ama meel kale, iyagoo tallaabadaas ku tilmaamay isku day lagu doonayo in isir sifeyn lagu sameeyo.
Sarkaal Israaโiili ah, oo codsaday inaan magaciisa la sheegin, ayaa sheegay inay tahay โmid aad u degdeg ahโ in laga hadlo meelaha suurtagalka ah ee loogu talagalay ka-qaxidda ikhtiyaariga ah.
โHaddana, dabcan waxaa jira iskaashi heer sare ah oo u dhexeeya Trump iyo Raโiisul Wasaaraheena arrinta ku saabsan.โ
Amit Segal, oo ah weriye Israaโiili ah oo xog-ogaal ah, laguna tiriyo inuu ku dhow yahay Benjamin Netanyahu, ayaa sidoo kale sheegay in Israaโiil ay baarayso tallaabooyin ay Falastiiniyiinta ugu dirayso Puntland, Somaliland, iyo Morocco.
โLabada hore waxay raadinayaan aqoonsi caalami ah, tan saddexaad waxay ka walaacsan tahay inay sii haysato aqoonsiga madax-bannaanideeda ee Saxaraha Galbeed, dhammaan saddexduna waa dalal ay ku badan yihiin Muslimiin Sunni ah,โ ayuu yiri.
