Axad 5, Oct 2025 {HMC} Ciidanka Gorgor ayaa maanta bandhig ku sameeyay Kulliyadda Tababarka Ciidamada ee TURKSOM.
Wasiirka Gaashaandhigga XFS, Axmed Macallin Fiqi ayaa kormeeray bandhig ay sameeyeen cutubyada sida gaarka ah u tababaran ee Kumaandooska ee Ciidanka Xoogga Dalka oo soo gabagabeeyay tababar ay ku qaadanayeen Kulliyadda Tababarka Ciidamada ee TURKSOM.
Wasiir Fiqi waxaa uu ku bogaadiyay ciidamada Gorgor dadaalkooda iyo u diyaargarowgooda difaaca dalka.
Sidoo kale, Wasiirka ayaa Ciidamada kula dardaarmay dagaalka AS iyo in ay dardar galiyaan si looga saaro goobaha ay kaga sugan yihiin dalka.
