Axad May-28/2023-{HMC} Wararka aaynu ka haleyno deegaanka Mudul-baraawe aya shegaya on Ciidanka Atmis, gaar ahaan kuwa Uganda ee ku sugan degmada Baraawe ayaa Caawa Werar madaafiic oo sawabay dhimasho iyo dhaawac y ku garaacay deegaanka Mudul-baraawe oo qiyaastii 15km ujira caasimadda Koonfur-galbeed ee Baraawe.
Taliyaha Saldhigga Booliska Degmada Baraawe Cabduqaadir Khaldaan ayaa xaqiijiyay in Madaafiicda ay Atmis ku garaacday Mudul-baraawe ay sababtay dhimashada “Lix caruur” oo isku qoys ah iyo dhaawaca qof kale.
Wararka ayaa sheegaya in Ciidanka Atmis Gar aha kuwa uganda ay heleen xogta ah in xubno katirsan kooxda Shabaab ay isku Abaabulayeen meel aan ka fogeyn deegaanka Mudul-baraawe, taas oo keentay inay Atmis duqeyso halkaas.
Si lamid ah Ciidanka Yugaandha ee katirsan howlgalka Atmis ayaa maanta duqeyn ay dad Rayid ah dhimasho iyo dhaawac ka soo gaartay waxaa ay ka fuliyeen deegaanka Buula-mareer, saacado kooban gudahood ayay ka dhigan tahay in Ciidanka Atmis ay duqeymo isdaba joog ah oo ay Shacab ku wax yeeloobaan ka fuliyeen Gobolka Shabeellaha Hoos.
