Wararka ka imaanaya Magaalada Baydhabo oo Fariisin KMG ah u ah Maamulka Koofur Galbeed Soomaaliya ayaa sheegaya in Maanta Madaxweynaha Maamulkaasi Shariif Xasan Sheikh Aadan uu ku Wajahan yahay Magaalada Baraawe ee Caasimadda Maamulka Koofur Galbeed kana tirsan Degmooyinka Gobolka Shabellaha Hoose.
Mas’uuliyiin ka tirsan Maamulka Koofur Galbeed Soomaaliya ayaa sheegay in Madaxweynaha iyo Wafdi uu Hogaaminayo maanta ay Booqasho ku tagi doonaan degmada Baraawe.
Qaban qaabo lagu soo dhaweynayo Madaxweynaha Koofur Galbeed Soomaaliya ayaa Saaka ka socota Degmada Baraawe,iyadoo si weyn loo adkeeyay Amaanka Magaalada.
Booqashada Madaxweynaha Koofur Galbeed uu ku tagayo Degmada Baraawe ayaa ah tii Labaad oo uu halkaa ku tago tan iyo markii loo doortay Madaxweynaha Maamulka Koofur Galbeed Soomaaliya.
