Madaxweyne Obama ayaa markii uu ka soo degay diyaarada waxaa uu ubax gudoonsiisay gabar yar oo Kenyan ah, iyadoo kadib uu gacan qaaday Madaxweynaha Kenya Uhuru Kenyatta iyo Mas’uuliyiinta kale ee Kenyanka.
Inta uu joogo Magaalada Nairobi ayaa waxa uu kulamo kala duwan kula qaadan doono Madaxda dalkaasi, waxa uuna sidoo kale booqan doonaa Deegaano dhowr ah kuwaasi oo kula kulmi doono qeybo kamid ah qoyskiisa.
Safarka Obama ayaa qaadan doono Muddo 3 maalin waxa uuna booqashadiisa kadib u ambabixi doona dalka Itoobiya halkaasi oo uu kulan gaar ah kula qaadan doono Madaxda dalkaasi oo uu ka wareysan doono xaalada Africa.
Amaanka dalka Kenya ayaa aad loo adkeeyay, waxaana inta badan Gobolada iyo Caasimaduba la dhoobay Ciidamo kala duwan kuwaasi oo ka hortagi doona weeraro lagu qaado Madaxweynaha Mareykanka.
