Khamiis 18 Sep 2025 {HMC} Trump, ayaa si cad u sheegay inuu Mareykanka ku laabanayo Afgaanistaan, wuxuu waxyar ka hor yiri; “Waxaan ku dadaaleynaa inaan dib u soo ceshanno saldhigga Bagram ee Afghanistan.
Waxaa laga yaabaa in tani noqoto war deg deg ah. Waxaan doonaynaa inaan saldhiggaas gacanta ku dhigno, waayo iyaguna waxay naga rabaan waxyaabo.
Annaga runtii waxaan rabnaa saldhiggaas in dib loo soo celiyo. Saldhigan wuxuu kaliya hal saac u jiraa meelaha Shiinuhu ku sameeyo hubkiisa nukliyeerka.”
Hadalka wuxuu muujinayaa inuu Mareykanka iskudayayo wadahadal uu la galo dawladda Afgaanistaan , oo waxyaabaha u horreya ee ay doonayso Taalibaan ay ku jirto in laga qaado cunaqabateynta oo la aqoonsado xukuumadooda, xilli Shiinaha uu isagana ku gudajiro iskuday inuu ku dhisayo xiriirka Afgaanistaan, halka Ruushka uu yahay dalka u horreyay ee aqoonsaday dawladda Afgaanistaan, tan iyo markii xukunka ay la wareegeen Taalibaan.
