Isniin , 22,Sep 2025 {HMC} Waxaa Caawa Magaalada Paris caasimadda Faransiiska ka dhacaysa xafladda lagu bixinayo Abaalmarinta Ballon d’Or 2025, waxaaka qaybgalaya ciyaartoy, Madax kooxeed, Ciyaaryahanno hore iyo marti kale oo lagu casuumay munaasabaddaan.
Inkasta oo sanadkaan la adkeeyay in lasii gudbiyo xogta guulaysta si uu isugu diyaariyo waxaa hadda la saadaalinayaa in uu ugu cadcad yahay Osmane Dembele oo u dhashay Faransiiska isla markaana kooxda PSG kula guulaystay Champions League.
Sidoo kale waxaa jira ciyaartoy kale sida Lamine Yamal, Kylian Mbappe, Mohamed Salah, Raphinha & kuwo kale, warar soo baxaya ayaa sheegaya in Ciyaartoyda Kooxda Real Madrid aanay ka qaybgali doonnin xafladda sabab la xiriirta in aanay dhankooda jiran abaalmarinta.
Shakabadda French Magazine ayaa bixisa Abaalamrintaan, ujeedka waa in la aqoonsado ciyaaryahanka ugu wanaagsanaa sanadkii tagay ee Qaaradda Yurub iyada oo lagu qiimaynayo Goolasha uu dhaliyay, koobabka uu qaaday & kuwa meel wanaagsan gaarsiiyay.
Abaalmarinta ayaa Rag iyo Dumar leh, waxaa sidoo kale lasoo bandhigi doonnaa waxqabadka guulaysta, codaynta la sameeyay natiijada uu ku guulaystay iyada oo lagu casuumayo halyeey caan ah in uu soo qabto Magaca ciyaaryahanka guulaystay.