Khamiis, 16 Oct 2025 {HMC} Ciidamada ammaanka ee degmada Beledxaawo ayaa gacanta ku dhigay nin qorsheynayay inuu miinooyin ku aaso waddo muhiim ah oo ay si joogto ah u isticmaalaan shacabka iyo ciidamada ammaanka ee degmadaasi.
Howlgal qorshaysan oo ay sameeyeen ciidamada Qaranka ayaa lagu qabtay ninkan xilli uu ku howlanaa aasidda labo xabo oo miinooyin ah, kuwaas oo uu damacsanaa in lagu waxyeelleeyo shacabka iyo gaadiidka isticmaala waddadaas.
Saraakiisha howlgalka hoggaaminaysay ayaa sheegay in ninkan lagu soo qabtay isagoo sita qalabkii uu u adeegsan lahaa miinooyinka, islamarkaana baaritaan dheeri ah lagu hayo si loo ogaado cidda kale ee ku lug leh falkaas argagixisanimo.
