Jimco , 19 Dec 2025 {HMC} Maraakiib wada gargaar bani aadamnimo oo lala leeyahay Dalka Turkiga ayaa gaaray Dekedda Port Sudan sida ay qayb uga noqdaan howlaha lagu caawinayo Dadka u dhashay Suudaan ee saamaynta taban ku reebtay colaadda Sokeeye.
Sida uu xaqiijiyay safiirka Turkiga ee Suudaan Fatih Yildiz, deeqdaan ayaa loogu talagalay sidii Ankara ay u caawin lahayd walaalaha Suudaaneeska ah ee gacmaha baran isla markaana saamaysay colaadda ka jirta dalkooda.
Safiirka ayaa ballanqaaday in Dowladdiisa ay sii wadi doonto kaalmada ay u qorsheysay reer Suudaan ilaa inta xaaladda iska baddeleyso si loo dabaqabto dadka gaajaysan ee haraadka iyo colaaddu usii dheer tahay sida uu hadalka u dhigay.
Turkiga ayaa usoo jeystay garab istaagga Dalkaan dhaca Waqooyiga Qaaradda Afrika ee Suudaan oo ay ku hardamayaan labada Janan ee ciidamada ka kala amar-qaata gadaal u galay Dowlado shisheeye ee dhibaatooyinka xooggan ka gaystay dalkooda.
