Arbaco 18 March 2026 {HMC} Madaxweynaha Volodymyr Zelensky ayaa u sheegay BBC inuu “tuhun xun ka qabo” saameynta uu dagaalka Bariga Dhexe ku yeelanayo xaaladda Ukraine. Wuxuu sheegay in diiradda Maraykanku ay u leexatay, isla markaana kulamadii diblomaasiyadeed si joogto ah dib loogu dhigayo arrintan awgeed.
Hadaladiisa ayaa yimid kadib markii uu la hadlay xubnaha baarlamaanka ee United Kingdom, halkaas oo uu ku sheegay in Russia iyo Iran ay yihiin “walaalo ku mideysan nacayb.” Zelensky wuxuu sidoo kale muujiyay aragti ah in madaxweynaha Donald Trump uu mudnaantiisa koowaad ka dhigtay joojinta dagaalka Ukraine, balse uusan diiradda saarin difaaca caasimadda Kyiv ee ka dhanka ah weerarka Russia.
Wuxuu ka cabsi qabaa in madaxweynaha Vladimir Putin uu doonayo dagaal dheer oo ka socda Bariga Dhexe, sababtoo ah taasi waxay faa’iido u leedahay isaga isla markaana ay daciifinayso Ukraine.