Khamiis 18 Sep 2025 {HMC} Saacado ka hor hadalka hadda ka soo baxay Trump, ee la xiriira inuu Mareykanka dib ugu laabanayo dalka Afgaanistaan, waxaa ay Al Jazeera waraysi la yeelatay wasiirka difaaca Afgaanistaan, Mullah Maxamed Yacquub Mujaahid oo ku sugan Dooxa, ma cadda in Qatar oo markii horeba dhex dhexaadisay Mareykanka iyo Taalibaan, in ay mar kale ku caawinayso Mareykanka inuu dib ugu laabto Afgaanistaan, si uu u helo saldhigga Bagram oo hadalka Trumpna uu salka ku hayo wada-hadallo ka socda Qatar.
Balse Al Jazeera, waxay waydiisay wasiirka difaaca Afgaanistaan, haddii ay wax xiriir ah la leeyihiin Mareykanka iyo isbahaysiga NATO iyo haddii Ruushka ama Shiinaha ay kula jiraan wax wada xaajood difaac ah, wuxuu yiri Mullah Maxamed”
“Wax xiriir milatari lama lihin NATO ama Maraykanka illaa hadda,wax horumar ahna kama dhicin jihadan.
Xiriirkeennu Maraykanka wuxuu ku kooban yahay siyaasad iyo dhaqaale, waxaana ku howlannahay in laga qaado cunaqabataynta saaran Afgaanistaan,taas ayaan xoogga saareynaa. Xataa ma lihin xiriirro milatari , hal dal oo xubin ka ah NATO….Xiriirro ama heshiisyo amni,milatari oo naga dhexeeya Shiinaha ama Ruushka, sidoo kale ma jiraan.”
