Jimco 30, Jan 2026 {HMC} Ciidanka xoogga dalka Soomaaliyeed oo kaashanaya saaxiibada caalamka ayaa fuliyay howlgalo lagu dilay xubno ka tirsan maleeshiyaadka AS ka fuliyay deegaanka Mubaarak ee gobolka Shabeellaha Hoose.
Ciidamada ayaa howlgalka oo ahaa mid qorsheysnaa ku dilay afar xubnood oo ka mid aha Maleeshiyaadka As ee ku dhuumaaleysanaayay deegaanka Mubaarak.
War kooban oo kasoo baxay dowladda Fedaraalka ayaa lagu sheegay in Afarta xubnood la dilay xili ay ku howlanaayeen aasida miinooyin ay doonayeen inay waxyeelo ugu geystaan ciidamada iyo shacabka Soomaaliyeed ee adeegsada wadooyinka deegaankaas.
Qoraalka kasoo baxay dowladda Fedaraalka ayaa sidoo kale lagu sheegay in ciidamada Qaranka ay ka go’an tajay ciribtirka kooxda As ee khatarta ku ah amniga shacabka iyo isu socodka wadooyinka.
Ugu dambeyntii howlgalkaan ayaa kusoo aadaya, iyadoo ciidamada dowladda iyo kuwa saaxiibada Caalamka ay kordhiyeen maalmahii lasoo dhaafay howlgalada ka dhanka ah maleeshiyaadka ee ka socda gobolada Shabeellaha Dhexe, Shabeellaha Hoose iyo Jubbooyinka.
