Sabti 06, Dec 2025 {HMC} Iska hor imaad dhimasho iyo dhaawac sababay ayaa ka dhex qarxay Pakistan iyo ciidamada Afgaanistaan, iyadoo labada dhinac midba midka kale uu ku eedeeyay inuu jabiyay xabad joojin aan jilicsanayn.
Dadka deegaanka ayaa habeen hore ka qaxay magaalada Spin Boldak ee dalka Afqaanistaan, taasoo dhacda xadka 1,600-mile (2,574 km) ee ay wadaagaan labada dal.
Ilo caafimaad oo ku sugan magaalada Kandahar ee u dhow ayaa sheegay in isbitaal maxalli ah uu helay meydadka afar qof. Saddex dhaawac ayaa laga soo sheegay Pakistan.
Dagaallo goos goos ah ayaa bilihii lasoo dhaafay si isdaba joog ah u dhex maray labada dhinac, halka sidoo kale xukuumadda Taalibaan ee dalka Afgaanistaan ay Pakistan ku eedeysay in ay duqeymo cirka ah ka geysatay gudaha dalkaasi.
