Talaado 10 March 2026 {HMC} Dood siyaasadeed oo xooggan ayaa ka taagan gudaha Mareykanka, kadib markii qaar ka mid ah siyaasiyiinta xisbiga Democratic ay ku eedeeyeen Madaxweyne Donald Trump inuu dagaalka ka dhanka ah Iran u adeegsaday si uu uga mashquuliyo arrimo la xiriira galka Jeffrey Epstein.
Warar kale oo soo baxaya ayaa sheegaya in Madaxweynihii hore Bill Clinton uu ka fiirsanayo inuu Congress-ka la wadaago macluumaad ku saabsan xiriirrada la sheegay ee u dhexeeya Trump iyo Jeffrey Epstein.
Haddii arrintan ay dhacdo, waxay dib u soo nooleyn kartaa mid ka mid ah fadeexadaha ugu muranka badan siyaasadda Mareykanka, iyadoo laga yaabo in baaritaanno cusub lagu sameeyo xiriirradii Epstein iyo dadka awoodda leh ee lagu tuhmayay inay la xiriireen.
Falanqeeyayaal siyaasadeed ayaa sheegaya in tallaabadan ay saameyn weyn ku yeelan karto sumcadda siyaasiyiinta, xulafada siyaasadeed, iyo isku dheelitirka awoodda ee Washington.