Sabti 28, Dec 2024 {HMC} Madaxweynaha Ruushka Vladimir Putin ayaa raaligelin ka siiyay madaxweynaha dalka ay jaarka yihiin ee Azerbaijan soo rididii diyaarad ganacsi oo laga soo riday hawada Ruushka, taasoo ay ku dhinteen 38 qof – balse wuxuu ka gaabsaday inuu sheego in Ruushka uu ka dambeeyay.
Faallodiisii ugu horreysay ee ku saabsan shilkii maalinta Kirismaska, Putin wuxuu sheegay in “dhacdada naxdinta leh” ay dhacday markii nidaamyada difaaca hawada Ruushku ay si firfircoon uga hortagayeen diyaaradaha aan duuliyaha lahayn ee Ukraine.
Waxaa la sheegay in diyaaraddu ay rasaas kala kulantay nidaamka difaaca cirka ee Ruushka, xilli ay isku dayeysay inay ku degto Chechnya – taasoo ku qasabtay inay u weeciso badda Caspian.
Diyaaradan ayaa ku degtay dalka Kazakhstan, waxaana ku dhintay 38 ka mid ah 67 qof oo saarnaa.