Arbaco 5 Nov 2025 {HMC} Wasiirka Qorsheynta, Maalgashiga, iyo Horumarinta Dhaqaalaha XFS, Mudane Maxamuud Cabdirixmaan Sheekh Faarax (Beenebeene), ayaa kulan miro-dhal ah la qaatay Wasiirka Horumarinta Bulshada iyo La-Dagaallanka Gaajada ee Brazil, Mudane Wellington Dias, intii lagu guda jiray Shirweynaha 2-aad ee Horumarinta Bulshada ee ka socda Dooxa.
Labada dhinac waxay ka wada hadleen dardargelinta dhimista saboolnimada, xoojinta nidaamka ilaalinta bulshada, iyo ballaarinta fursadaha haweenka, dhallinyarada, iyo bulshooyinka barakaca, iyadoo la raacayo yoolalka Qorshaha Isbeddelka Qaran (NTP 2025–2029).
Sidoo kale, waxay isla qaateen in la xoojiyo is-weydaarsiga aqoonta, maalgashiga, iyo iskaashiga ganacsiga gaarka loo leeyahay, si siyaasadaha loogu beddelo natiijooyin la cabbiri karo iyo shaqooyin waxtar leh