Friday, March 1, 2024
spot_imgspot_img

Waa Kuma Xiddiga Kooxda Arsenal Ee Qirtay Inuu Ku Riyoodo Real Madrid?

Isniin, October -16- 2023-{HMC} Xiddiga ka tirsan kooxda kubadda cagta Arsenal ayaa si badheedh ah u sheegay in kooxda uu jeclaan lahaa in uu u ciyaaro ee uu ku riyoodo ay tahay Real Madrid oo uu sidoo kale dul-istaagay garoonkeeda Santiago Bernabeu ee dibu-dhiska lagu sameeyey.

Inkasta oo aanu wali ka hor tegin Real Madrid, haddana laacibkan ayaa sheegay in uu jeclaan lahaa in uu helo fursad u suurtogelinaysa in uu tago Real Madrid, taas oo kooxdiisa Arsenal ku keeni karta niyad-jab.

Weeraryahanka Arsenal ee Eddie Nketiah ayaa waraysi uu siiyeyska FouFourTwo, waxa lagu weydiiyey kooxda uu jeclaan lahaa in uu u ciyaaro, waxaanu markiiba lasoo booday Real Madrid, inkasta oo naadigiisa Gunners uu xilli-ciyaareedkan u dhaliyey laba gool, mid kalena caawiyey 11 ciyaarood oo uu u saftay

24 jirkan ayaa waxa uu sheegay, in ka ciyaarista tartanka Champions League iyo ku guuleysigiisu ay u yihiin wax uu jeclaan lahaa, iyadoo xilli-ciyaareedkiisii ugu horreeyey uu kasoo muuqanayo tartankan oo ay kooxdiisa Arsenal kasoo qayb-gashay toddoba sannadood oo ay ka maqnayd kaddib.

Waxa kale oo uu sheegay in uu jeclaan lahaa in kooxdiisa Arsenal ka hor tagto Real Madrid si uu ugu soo dheelo garoonka Santiago Bernabeu, waxaanu yidhi: “Anigu waliay kuma aanan ciyaarin garoonka Santiago Bernabeu, waxay ii noqon lahayd khibrad.”

{DHAGEYSO} Warka Subaxnimo ee Warbaahinta Hiiraanweyn 01-03-2024

Jimco – March-01-2024-{HMC} – Dhageystayaal halkan waxa aan idiin kugu soo gudbi neynaa Wark Subaxnimo ee Warbaahinta Hiiraanweyn Warka waxaa soo jeedinayo :Abdirahman Macalin Muse Farsamadii : Abdiqani osoble HOOS...

{DAAWO MUQAALKA} Maxkamadda Ciidamada oo xukun dil ah ku riday lix Ruux oo ajaaniib ah

Jimco – March – 01-2024-{HMC} –  Maxkamadda Ciidamada oo xukun dil ah ku riday lix Ruux oo ajaaniib ah HOOS KA DAAWO MUQAALKA WARBIXINTA  https://youtu.be/UJGkLe6L13I

WARARKA