Wednesday, July 24, 2024
spot_imgspot_img

RW Xamsa oo ganacsatada Soomaaliyeed Kala Hadlay doorka ay ku leeyihiin jiheynta dowladnimada casriga ah

Talado , October -17- 2023-{HMC}  Ra’iisul Wasaaraha Xukuumadda Jamhuuriyadda Federaalka Soomaaliya Xamsa Cabdi Barre, ayaa ganacsatada Soomaaliyeed la yeeshay kulan ku aaddan doorka ay ku leeyihiin jiheynta dowladnimada casriga ah ee Soomaaliya.

Ra’iisul Wasaaraha ayaa tilmaamay muhiimadda ay leedahay in hey’adaha Dowladda iyo kuwa gaarka loo leeyahay ay isla -jaanqaadaan, si wadajir loogu xaqiijiyo hiigsiga fog ee horumarka dalka.

“Dowladdeennu waxay diiradda saareysaa sidii ay u abuuri lahayd jawi ay ku bullaallaan ganacsiyada gaarka loo leeyahay, halkaas oo hal abuurrada ganacsiga lagu dhiirrigeliyo, ayna ku kobcaan maalgashiyada dibadeed iyo kuwa guduhuba,” sida uu yiri Ra’iisul Wasaare Xamsa.

Wasiirka koowaad ee Xukuumadda ayaa u sheegay madaxda iyo milkiilayaasha ganacsiyada gaarka loo leeyahay, baahida loo qabo in la sameeyo isbeddel dhan walbo ah, si isbeddelkaas looga mirro dhaliyana ay lagama maarmaan tahay in la helo ka go’naansho bulsho. Sida lagu yiri war ka soo baxay.

Ra’iisul Wasaare Xamsa ayaa Ganacsatada kula dardaarmay in ay kaalintooda ka qaataan amniga, horumarinta dhaqaalaha iyo adeegyada bulshada ee u baahan in wadajir wax looga qabto.

{DAAWO MUUQAALKA} Dagaal u dhaxeeyo AS iyo Ciidamada Dowladda oo ka dhacay Koofur Galbeed

Arbaco 24 July 2024 {HMC} Dagaal u dhaxeeyo AS iyo Ciidamada Dowladda oo ka dhacay Koofur Galbeed HOOS KA DAAWO MUQAALKA WARBIXINTA.

{DAAWO MUUQAALKA}Ciyaar Cusub oo Hidaha iyo Dhaqanka Soomaalida ah.

Arbaco 24 July 2024 {HMC} Ciyaar Cusub oo Hidaha iyo Dhaqanka Soomaalida ah. HOOS KA DAAWO MUQAALKA WARBIXINTA.

WARARKA