Thursday, May 30, 2024
spot_imgspot_img

Netanyahu oo sheegay in uusan aqbali doonin in Falastiin ay maamusho Magaalada Gaza.

Axad Nofembar 12, 2023 {HMC} Ra’iisul Wasaaraha Israa’iil Benjamin Netanyahu ayaa diiday fikradda ah in Gaza ay noqoto magaalo ay maamulkeeda yeeshaan Falastiiniyiintu marka uu dhammaado dagaalka u dhexeeya Israa’iil iyo Xamaas, mowqifkaas oo ah mid khilaafsan kan madaxweynaya Mareykanka Joe Biden.

“Waa inay jiraan wax intaas ka badan,” Netanyahu ayaa ku yiri shir jaraa’id Sabtidii isagoo ka jawaabaya su’aal ku saabsan in maamulka Falastiin, oo qayb ahaan gacanta ku haya Daanta Galbeed ee la haysto, uu maamuli karo Gaza dagaalka kadib.

“Ma jiri doonto maamul rayid ah oo caruurtooda bara naceybka Israel, laadayaan Israa’iiliyiinta iyo baabi’inta Dawladda Israa’iil.” ayuu yiri Netanyahu.

Xoghayaha arrimaha dibadda ee Mareykanka Antony Blinken ayaa Arbacadii dajiyay shuruudo lagu dhisayo dowlad kadib dagaalka.

“Waa inay ka jirtaa dawlad ay Falastiiniyiintu hoggaamiso oo ka jirta marinka Gaza iyo Daanta Galbeed oo mideysan,” ayuu yiri Blinken.

Horraantii Sabtidii, iyada oo dhibaatada bini’aadantinimo ee isbitaalka Shifa ay ka sii dartay, ayaa Israa’iil waxa ay sheegtay inay diyaar u tahay inay carruurta ka daadgureyso isbitaalka kadib markii laba carruur ah ay dhinteen tobannaan kalena ay halis soo wajahday markii uu dhammaaday shidaalkii matoorrada.

“Aaladaha caafimaadka waa joogsadeen. Bukaannada, gaar ahaan kuwa daryeelka degdegga ah, ayaa bilaabay inay dhintaan,” ayuu Agaasimaha Isbitaalka Al-Shifa Mohammed Abu Selmiya ku yiri wareysi lagala yeeshay khadka telefoonka.

Isha: VOA SOMALI

{DAAWO MUUQAALKA} Kooxda Xuutiyiinta oo weerar ku qaaday Markab Xamuul iyo khasaare ka dhashay

Khamiis 30, May 20224 {HMC} Kooxda Xuutiyiinta oo weerar ku qaaday Markab Xamuul iyo khasaare ka dhashay HOOS KA DAAWO MUQAALKA WARBIXINTA https://youtu.be/s1LI0LGSEjY

{DAAWO MUUQAALKA} Wararka ugu waa weyn Soomaaliya iyo Caalamka 30/5/2024

Khamiis 30, May 20224 {HMC} Wararka ugu waa weyn Soomaaliya iyo Caalamka 30/5/2024 HOOS KA DAAWO MUQAALKA WARBIXINTA https://youtu.be/HvlH5BxOvOY

WARARKA