Khamiis November 16, 2023 {HMC} Xaalada Magaalada Baladweyne ayaa ah Mid Culus kadib markii Wabiga Shabeelle oo ku fatahay todobaadkan . 24 saac ee ugu dambeeyay Magaalada iyo deegaanada Kale ee hoos-yimaado waxaa ka da’ay roobab culus waxaana kordhay heerka Biyaha Wabiga Shabeelle.
Waadiyaasha, Deegaanada Ceelgaal, Qowlad ilaa Feerfeer ayaa lagu soo waramayaa in ay wadaan biyo aad ufaradan sida ay dadka deegaanka ay Warbaahinta Hiiraanweyn usheegeyn…….
Sidoo kale biyo aad u culus ayaa soo gaaray deegaanka Maxamuud Gacal oo dhinaca waqooyi ka xigo Magaalada ilaa 30 kmt, kuwaas oo ka yimid dhinaca dowlad Deegaanka Soomaalida itoobiya.
Gudoomiyaha deegaanka Maxamuud Gacal oo la hadlay Hiiraanweyn ayaa sheegay in biyo culus ay soo gaareeyn shalay ilaa xalay kuwaas oo bilaabay in guryahii biyaha hore ka baxeeyn ay galaan.
Gudoomiyaha ayaa sheegay in roob culus xalay ilaa saakay oo ka da’ihaayo deegaanada dhinaca waqooyi ka xigo Magaalada Baladweyne, kuwaas oo sida uu sheegay biyo badan kusoo dari doono Wabiga Shabeelle.
Da’mada roobka iyo fatahaada Culeeyskeeda ayaa dadka ku haray Gudaha Magaalada Baladweyne waxaa ay galisay Cabsi weyn. Maamulka ayaa sheegay in ku dhawaad 10 qof ay biyaha qaadeyn sadaxdii maalin ee ugu dambeeysay.
