Khamiiis -December-7-2023-{HMC} Barafasoor bare horey uga ahaa Jaamacadda Nevada ee dalka Mareykanka ayaa la sheegay in toogasho dhalisay khasaarooyin isugu jira dhimasho iyo dhaawac ka geestay dhismaha Jaamacadda
Ninkan toogashada geestay ayaa gudaha jaamacadda la galay qoray uu watay, waxa uuna halkaasi ku dilay saddex qof oo kamid ahaa dadkii jaamacadda ku sugnaa , halka sidoo kale jiraan dad kale oo toogashadaku dhaawacmay
Ciidamada booliiska oo dhismaha jaamacadda kula dagaallamay macalinka toogashada geestay ayaa ugu dambeyn ku guuleestay in ay dilaan, waxa ayna booliiska hadda wadaan baaritaano ku aadan toogashadan
Ardaydii iyo macalimiintii ku sugnaa jaamacadda ayaa si deg deg ah loogala cararay dhismaha marka uu weerarku bilowday, waxaana jaamacadda ka dhacay xaalad argagax leh iyo kala carar
Warbaahinta caalamka qaarkood ayaa tabinaya in ninka toogashada geestay oo ahaa Profosor 67 sanno jir ah oo jaamacadda horey macalin uga ahaa, kaa oo la sheegay in shaqada laga fadhiisiyay ,sidaasna carro uu u qaaday ugu geestay toogashada.
