Friday, July 12, 2024
spot_imgspot_img

Waare oo loo magacaabay ku xigeenka xogahayaha guud ee IGAD

Axad-December-10-2023-{HMC}  Urur goboleedka IGAD ayaa madaxweynihii hore ee maamulka Hirshabeelle u magacaabay ku xigeenka xoghayaha guud urur goboleedka IGAD.

Soo jeedinta magacaabidda ku xigeenka xoghayaha guud ee IGAD, waxaa gudbiyay wasiirka arrimaha dibbada ee dalka Jabuuti, ahna shir guddoonka golaha wasiiradda IGAD.

Tallaabadan Maxamed Cabdi Waare loogu magacaabay ku xigeenka xoghayaha fulinta ee IGAD, ayaa noqonaysa mid kor u qaadaysa maqaamka Soomaaliya ee gobolka iyo caalamka.

Wasiirka warfaafinta Soomaaliya, Daauud Aweys ayaa guul weyn ku tilmaamay magacaabidda ku xigeenka IGAD ee loo magacaabay danjire Maxamed Cabdi Waare, wuxuuna yiri,

“Guul weyn oo Soomaaliya u soo hoyatay, magacaabista Maxamed Cabdi Waare ee ku xigeenka xoghayaha fulinta guud ee IGAD waxay sare u qaadaysaa saamaynta Soomaaliya ku leedahay gobolka iyo caalamkaba, taasoo muujinaysa guul diblomaasiyadeed oo muhiim u ah dawladda Faderaalka.”

Ku xigeenka xoghayaha guud ee IGAD, Maxamed Abdi Waare ayaa sheegay inuu ku faraxsanahay inuu ku biiro hoggaanka IGAD.

“Aad baan ugu faraxsanahay magacaabista, u ololaynta, iyo taageerada Xukuumaddayda si aan u gaadho xilkan sharafta leh. Anigoo hadda ka shaqeeya Gobolka oo dhan. Waxaan rajeynayaa inaan hogaamiyo koox ku dadaali doona inay wax ka bedelaan nolosha muwaadiniinteenna xagga Nabada iyo Amniga, Cimilada yaraynta, Gobolka,” ayuu yiri Waare.

Magacaabidda Waare ayaa kusoo beegantay, iyadoo uu socdo shirweynaha urur goboleedka IGAD ee ka socda dalka Jabuuti, halkaas oo uu ku sugan yahay madaxweynaha Soomaaliya.

Wax ka beddel lagu sameeyay qaab dhismeedka IGAD, ayaa Soomaaliya loo ogolaaday inay ku biirto hoggaanka sare ee IGAD.

{DHAGEYSO} Warka Duhurnimo ee Radio Hiiraanweyn 12 07 2024

Jimco 12 July 2024 {HMC} Dhageystayaal halkan waxa aan idiin kugu soo gudbi neynaa Warka Duhurnimo ee Warbaahinta  Hiiraanweyn Warka waxaa soo jeedinayo ::Abdirahman Macalin Muse Farsamadii :: Abdiqani Osoble HOOS...

{DAAWO MUUQAALKA} Ukuntii Ugu Qaalisaneyd Abid Oo Lagu kala iibsaday Lacag aad layaabi doonto !

Jimco 12julay 2024 {HMC}  Ukuntii Ugu Qaalisaneyd Abid Oo Lagu kala iibsaday Lacag aad layaabi doonto !3 HOOS KA DAAWO WARBIXINTA MUQAALKA.

WARARKA