Khamiis, December, 14, 2023 {HMC} Fatahaadii dhawaan ku dhufatay Magaalada Baladweyne ee Gobolka Hiiraan ayaa bur bur xoogan u geysatay ina badan dhismayaashkii magaalada oo ay ugu horeeyaan guryaha dadka ay daganaayeen kuwaas oo Xaafadaha qaar ay biyaha ka sara mareen.
Sido kale fatahaada ayaa dhawac xoogan u geysatay wadooyinka iyo Buundooyinka Magaalada Baladweyne waxaana laga cabsi qabaa in ay godo Buundada nuur xawaad oo ah mida dhawac ugu weyn ay u geysteen Biyaha Fatahaada.
Wadooyinka qaar ayaa go ay ama mesha ka baxay kadib markii ay dulmareen biyaha fatahaada wabiga Shabelle kuwaas oo dul marayay in ka badan 25 maalin oo xiriir ah.
Gudoomiyaha Dagmada Baladweyne Cumar Cismaan Calasoow oo ka hadlaayay dhibaatooyinka ay ku reebtay fatahaada Magaalada Baladweyne ayaa walaac xoogan ka muujiyay isticmaalka buundooyinka ay bisha dhaawaca u geysteen.
Cumar Cismaan Calasoow ayaa sidoo kale sheegay in ay joojiyeen isticmaalka gaadiidka labada buundo ee kala ah Buundadada Nuurxawaad iyo buundo liiq liiqato kadib markii ay ka baqeen in ay dumaan labadaas buundo.
“Lama furidoono labada buundo iyo wadooyinka muhiimka ah ee ay saameyeen Fatahaada wabiga shabelle ilaa laga dayactiro oo laga hagaajiyo dhaawacii ka so gaaray biyaha Fatahaada wabiga shabelle kuwaas oo ay ku dhaxjireen ku dhawaad mudo bil ah “ayuu yiri Gudoomiyaha Dagmada Baladweyne Cumar Cismaan Calasoow.
Mudooyinkii danbe Magaalada Baladweyne si isdabajoog ah ugu so noq noqonaayay Fatahaada uu sameeyo Wabiga Shabelle ee dhaxmaro Magaalada.
