Monday, June 24, 2024
spot_imgspot_img

Xasan sheikh oo shirka Rome geeyey faro-gelinta Itoobiya ku sameysay Madaxbannaanida soomaaliya

Talaado-30-jan- 2024-{HMC} Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa khudbad ka jeediyey Madasha Talyaaniga iyo Afrika ayaa xusay mustaqbalka wanaagsan ee Soomaaliya.

Madaxweynaha ayaa si gaar ah u xusay fursadaha maalgashi iyo khayraadka dihan ee ceegaaga dalkeenna oo wax tar u leh gobolka iyo guud ahaan caalamka.

Madaxweynaha ayaa tilmaamay in iskaashiga caalamka uu ku tiirsan yahay ixtiraamka sharciyadda iyo mabaadi’da madax-bannaanida iyo wadajirka dhuleed ee dalalka.

“Iskaashiga Afrika iyo Talyaaniga ma noqon karo mid shaqeeya haddii dal Afrikaan ah uu ku xadgudbo xuduudaha dal kale, waxaana tusaale u ah isku dayga fashilmay ee faro-gelinta Itoobiya ku sameysay Madaxbannaanida dalkeenna,” ayuu yiri.

Madaxweynaha ayaa tilmaamay caqabadaha hortaagnaa dowladnimada Soomaaliya iyo dhabar adaygga ay ku wajahayaan dadka Soomaaliyeed, isagoo sheegay in xoreynta deegaannada ku jira gacanta argagixisada ay barbar socdaan qorsheyaal lagu adkeynayo dowladnimada.

Sidoo kale Madaxweynuhu wuxuu sheegay in la xoojinayo iskaashiga iyo doorka Soomaaliya ee Gobolka, kuwaas oo ay ka mid yihiin, ku biirista Dallada Bulshada Bariga Afrika, qaadista cunaqabateynta hubka iyo dhammeystirka deyn cafinta.

Soomaaliya waxay ku faani kartaa khayraadka Alle ku mannaystay ee dhinacyada Beeraha, Xoolaha, Kalluumeysiga, Tamarta, iyo booska istaraatiijiga ah, kuwaas oo ay wehelinyaan in ay yihiin dad fir fircoon, dhallinyaro u badan, kuna tilmaaman hammi iyo hal-abuur.”

“Ku biirista Bulshada Bariga Afrika waxa ay si weyn u dhiirri-gelisay aragtidayada ganacsi” ayuu yiri Madaxweyne Xasan Sheekh.

{DAAWO MUUQAALKA} Dowladda oo Wacyi galin u sameeysay Ciidamo loo soo gabagabeeyey tababar.

Isniin june,24 2024 (HMC) Dowladda oo Wacyi galin u sameeysay Ciidamo loo soo gabagabeeyey tababar. HOOS KA DAAWO WARBIXINTA MUUQAALKA

{DAAWO MUUQAALKA} MW Xasan Sheekh”Ethiopia laftirkeeda sida Xeebta Jabuuti iyo Xeebta Kenya usoo gaarto oo kale.

Isniin june,24 2024 (HMC) MW Xasan Sheekh"Ethiopia laftirkeeda sida Xeebta Jabuuti iyo Xeebta Kenya usoo gaarto oo kale. HOOS KA DAAWO WARBIXINTA MUUQAALKA

WARARKA