Thursday, April 25, 2024
spot_imgspot_img

Qoyska Cabdinasir Muuse Dahable oo dilkiisa ku eedeeyay hay’adda NISA

isniin 19 Feb-2024 {HMC} Qoyska Cabdinaasir Muuse Dahable oo ahaa shaqaale ka tirsan maamulka hawada Soomaaliya oo shalay lagu dilay magaalada Muqdisho, ayaa dilkiisa ku eedeeyay Hay’adda Sirdoonka ee NISA.

Garyaqaan Fahad oo kamid ah ehelada Dahable, ayaa sheegay in kahor intii aanu dhiman uu Dahable aabihii iyo xaaskiisa u sheegay in la rabo in la dilo oo ay hay’adda NISA ku daba jirto, isaga oo sheegay in hadii uu dhinto ay NISA dishay.

“48 kii saacadood ee ugu danbeeyay wuxuu noo sheegay in culays ba’ani kaga yimid Hay’adda Nabad Suggida Soomaaliya ee NISA, oo ugu hanjabaysay in ay dili doonto, waxa looga shakiyay in uu yahay qofka bixiya firikuwansiga hawada, dhakhtarku wuxuu noo xajiiyay in la dilay” ayuu yidhi Fahad.

Dhinaca kale, aabaha dhalay Dahable, ayaa codsaday in maydka wiilkiisa la keeno magaalada Hargaysa, si loogu aaso, waxa kale oo uu codsaday in dilkiisa lagu sameeyo baadhis cadaalad ah.

Qoyska Dahable ayaa sidookale sheegay in xabsiga la dhigay 6 kale oo dhallinyaro ah oo ay Dahable shaqo wadaag ahaayeen kuwaasi oo 5 kamid ahi ay reer Somaliland yihiin, xukuumada Somaliland ayaa iyaduna dhankeeda sheegtay in dilka Dahable uu ahaa mid qorshaysan.

Booliiska Soomaaliya ayaa sheegay in ay gacanta ku hayaan 6 eedaysane oo loo qabtay dilka Dahable, isla markaana ay baadhis ku hayaan kiiskiisa.

{DHAGEYSO} Warka Habeenimo ee Warbaahinta Hiiraanweyn 24-04-2024

Arbaco-24-April-2024 {HMC} Dhageystayaal halkan waxa aan idiin kugu soo gudbi neynaa Wark Habeenimo ee Warbaahinta Hiiraanweyn. Warka waxaa soo jeedinayo :: Abdirahman Muse Osman Farsamadii :: Abdiqani...

{DAAWO MUUQAALKA} Shacabka Muqdisho oo soo dhoweeyay heshiiska difaaca iyo dhaqaalaha ee Soomaaliya iyo Turkiga.

Arbaco-24-April-2024 {HMC} Shacabka Muqdisho oo soo dhoweeyay heshiiska difaaca iyo dhaqaalaha ee Soomaaliya iyo Turkiga. HOOS KA DAAWO MUQAALKA WARBIXINTA https://youtu.be/m2eD5H1AfKI  

WARARKA