Sunday, May 26, 2024
spot_imgspot_img

Hay’adda NISA oo gacanta ku dhigtay guddoomiyihii hore ee Dharkeenley oo ku biiray kooxda AS

Sabti-09-March,-2024-{HMC} Hay’adda Sirdoonka iyo Nabad Sugidda Qaranka ayaa gacanta ku dhigtay guddoomiyihii hore ee degmada Dharkenlay Abuukar Axmed Caddow Tifoow oo ka tirsanaa AS kaas oo in muddo ah ku dhex dhuumanayay Hay’addaha dowladda.

Abuukar ayaa intii u dhaxeysay 2015 ilaa 2019 soo noqday Guddoomiye ku xigeenka Amniga iyo Siyaasadda degmada Wadajir, sidoo kale 2019 ilaa 2020 waxaa uu Guddoomiye kasoo noqday degmada Dharkeynley, isaga AS kala shaqeeyay fududaynta falal amni darro oo ay ka sameeyeen Magaalada Muqdisho.

Xogta Hay’adda NISA ay heshay waxa ay caddayneysaa in Abuukar Axmed Caddow uu AS ku biiray intii u dhaxeysay 2013 ilaa 2014, waxa ay tababar Sirdoon ku siiyeen magaalada Baraawe ee Gobolka Shabeelaha Hoose,isaga oo AS ka caawin jiray gudbinta xogta Saraakiisha iyo Xafiisyada dowladda iyo fududaynta dhagaraha Kooxda.

NISA oo heshay xogta dhagar qabahan ayaa dabagal ku haysay mudddooyinkii u dambeeyay waxaana ugu dambeyn lagu guuleystay in 04-tii March 2024, laga qabto garoonka diyaaradaha Aadan Cadde isaga oo ka yimid dalka Kenya.

Hay’adda Sirdoonka iyo Nabad Sugidda Qaranka waxa ay u digeysaa cidkasta oo la shaqeysa kooxda AS waxaana ka go’an adkaynta nabadgalyada muwaadinka Soomaaliyeed.

{DAAWO MUQAALKA} Maxkamada Gobolka Hiiraan oo maanta u fadhiisatay dhageysiga Kiis dil ah oo ka dhacay Baladweyne

Sabti 25, May 2024 {HMC} Maxkamadda Gobolka Hiiraan, qeybta ciqaabta, laanta tashiga, ayaa maanta u farriisatay dhageysiga garmaqalka 1-aad ee gal dacwadeed ciqaabta ah...

{DHAGEYSO} Warka Habeenimo ee Hiiraanweyn {25-05-2024}

Sabti, 25 May, 2024 {HMC} Dhageystayaal halkan waxa aan idiin kugu soo gudbi neynaa Warka Habenimo ee Warbaahinta Hiiraanweyn Warka waxaa soo jeedinayo ::Abdimajiid Abdirahmaan...

WARARKA