Talaado-12-March,-2024-{HMC} Ciidamada ATMIS Gaar ahaan kuwa Jabuuti ayaa iskaga guuray manta Guud ahaan Xerada Lama-galaay oo mudo 14 sano ka badan ay daganaayeen xerada. Sababta ugu weyn ee ugu guureyn Xerada ayaa ah is qab qabsiga Maamul ee ka jiro Magaalada Baladweyne.
Ciidamadan ayaa si gaar ah u ilaalin jiray Xarumaha Dowlada ee ku yaalla Xerada, Gaar ahaan Xarunta Maamulka Gobolka, Kan Degmada, Maxkamadaha iyo kuwa kale oo ku yaallay xerada lama-galaay.
Xerada Lama-galay waxaa Hada ku sugan Ciidamo kala Taabacsan Maamulka Hirshabeelle, Kuwa Hiiraan State ah iy Kuwa Xooga dalka Soomaaliya ah. Xiisad aad u Culus ayaa manta ka jirto Xerada.
Gudoomiyaha Gobolka Hiiraan Cabdullaahi axmed Maalin Sufuroow iyo Ciidamo uu hogaaminayo ayaa manta laga hor-istaagay in ay galaan Xerada Lama-galaay, halkaasi oo saldhig ay ku leeyahiin Ciidamo taabacsan kuwa Hiiraan State ah.
Ilo ku dhow Ciidamada Jabuuti ayaa Warbaahinta u sheegay in Ciidamada Amaanka Xerada lama-galaay Sugayay ay ku Jah-wereereyn Ciidamada Deegaanka ee Macawisleeyda loo yaqaano oo Xerada Buux dhaafiyay bilahii ugu dambeeyay kuwaas oo wato Hub aad u Culus, taasi oo Amaan daro darted sababtay in ugu dambeeyn ay ka guuraan xeradaasi,
Amaanka Magaalada Baladweyne ayaa aad u xumaaday Mudooyinkii dambo waxaana Magaalada Buux dhaafiyay Maleeshiyo Hubeeysan oo ay siyaasiinta Maamulka Hirshabeelle kasoo Horjeedo ay wataan.
Xaalada Magaalada waxaa ay noqotay mid Dayac Maamul uu ka jiro . Maamulka Hirshabeelle ayaa ku guul-dareeystay in ay Xaliyaan Mucaaradka Cusub ee Baladweyne ka abuurmay.
