Thursday, May 30, 2024
spot_imgspot_img

{DAAWO SAWIRADA} Maxaa ka taqaana Filimka lagu jilay Soomaaliya ee safka hore ka galay Filimaanta Ugu Wanaagsan Aduunka

Sabti 13 April , 2024 {HMC} “Tuulo Janno” waa qisada iyo sumadda uu wato Filimkan lagu jilay Soomaaliya kaas oo soo jiitay culimada Aflaanta kala saarta ee Mahrajaanka CANNES ee dalka Faransiiska.

Filimkan ayaa lagu jilay magaalooyinka Eyl iyo Garoowe ee Puntland, laakiin wuxuu hadda safka hore ka galay ilaa dhowr iyo tobban filim oo loo xushay inay ugu wanaagsan yihiin kuwii la soo bandhigay sanadkan 2024-ka.

Nuux Muuse Berjeeb oo ka mid ah soo saarayasha Filimka am ‘Line Procuder’ ayaa BBCda u sheegay in samaynta iyo hindisaha Filimkuba qaatay muddo ka badan hal sano.

“Magaca aan dooranay iyo jilayaasha ayaa ahaa wax cajiib ah, dabcan sidoo kale deegaanka lagu jilay filimka waxay ahayd wax aan is oran karo waa soo jiitay Mahrajaanka Cannes” ayuu yuru Nuux.

Nuux, wuxuu sheegay in xulashada Filimka uu rumaysan yahay inay sababta ugu weyn tahay sida dunida looga xiisaynayo filimaanta lagu sameeyo Soomaaliya.

“Xilli waxaa jirtay aad adduunka looga jeclaa filimaanta lagu sameeyo bariga dhexe, laakiin hadda filimkan iyo kuwii hore aan samaynay waxay muujinayan xiisaha loo qabo filimaanta lagu sameeyo dhulka Soomaalida iyo qisooyinka ay xambaarsan yihiin” ayuu BBCda u sheegay Nuux Birjeeb.

Samaynta Filimka cusub ee ‘Tuulo Janno’ ayaa la bilaabay samayntiisa bishii June ee sanadkii 2023-kii iyadoo soo saarista filimku qaadatay muddo toddobo bilood ah.

Qisida filimka ayaa ka turjumayo ayaa ah qoys Soomaali ah oo halka ay ku nool yihiin ay dhinacyada ka yaalan dhammaan wixii aadane u baahnaa oo xagga nolosha ah balse iyagu saboolnimo kaga nool.

Sidoo kale Filimka waxaa soo saare ka ahaa Maxamed Harrawe oo ah Soomaali kaalin sare kaga jiray soo saarayasha filimada ee caalamka.

Jilayaasha Filimka

Cidda ka caawisa dhaqaalaha Filimka ku baxay
Filimka ‘Tuulo Janno’, Soo saarayaasha iyo jilayaashuba waa Soomaali sida BBCda u sheegay Nuux Muuse Birjeeb oo ka mida soo saaraasha Filimka, wuxuu xusay in tani ka marag furayso sida dad badan dhalinyaro oo hibo leh ay ku dhex habowsan yihiin bulshada.

Nuux, wuxuu sheegay in bandhigyada iyo mahrajaanadu duniddu ay la yaaban sida dhalinyaro yar yar oo ku nool dal soo kabanaya ay u leeyihiin awood jilitaan oo xoog leh iyo sida ay u dhigayaan qisooyinka ay ka turjumayaan ee filimka.

Axmed Faarax, oo ah soo saare Filimo lagu jilay Soomaaliya iyo Kenya ayna jilayaal ka ahaayeen Soomaali, kuwaas oo qabsaday masraxyada filimada ee dunida ayaa BBCda u sheegay in la joogo waqtigii laga faa’iidaysan lahaa soo bandhiga filimo ka turjumaya dhulka,dhaqanka iyo Soomaalida ee loo bandhigo caalamka.

Faarax, wuxuu la qabaa Nuux in laga faa’idaysto hibada ku jirta jilayaasha Soomaalida iyo soo sarayaasha kuwaas oo sida uu xusay cajiib la noqda dadyowga kale markay tagaan bandhigyada filimada caalamka.

Nuux, ayaa qaba in hadda wixii ka danbeeya ay dunida Filimadu arkeen in la heli karo dhalinyaro kaalin jilitaan ka ciyaari kara filimada ay soo saaraan dadka ajnabiga ee qayb ka mida quseeya Soomaalida basle horey ay u jili jireen ajaanib Af-soomaliga jajabinaya.

Sida uu BBCda u sheegay Nuuh Muuse, caqabada ugu weyn ee ay la kulmaan dhalinyarada doonaya inay filimo soo saaraan ay tahay dhaqaale inay u helaan maadaama filimadu ku baxdo lacago malaayiin dollar ah.

Filimkan cusub ee ‘THE VILLAGE NEXT TO PARADISE’ ama Tuulo Janno’ ayeyey maalgalisay shirkada filimada ee FreibeuterFlim taas oo laga leeyahay dalka Austria.

“Shirkadaha Soomaali kuma baraarugsana in filimaantu yihiin wax la maalgashto oo ay dib ugu heli karaan lacago ka badan kuwii ay ku maalgaliyeen, sidoo kale dowladda Soomalaiya kuma baraarugsana in waxa ay sidan filimada lagu sameeyo Soomaaliya ay yihiin quruxda iyo dhaqanka Soomaalida kuwaas oo beddelaya kuwii hore looga sameyey Soomaalida oo sawir xun ka bixin jiray” ayuu BBCda u sheegay Nuux Muuse.

Filimkan cusub ayaa soconaya muddo hal saac iyo afartan daqiiqo ah waa kii ugu waqtiga dheeraa ee lagu sameeyo Soomaaliya kaas oo si calaami ah u soo jiitay caalamka.

Kooxdan ayaa hore u soo saaray filimo hore oo bilado ka helay bandhigyada iyo mahrajaanada caalamka.

Waxaa soo kordhaya soo saarayasha iyo jilayaasha Soomaalida ee soo saaraya filimada kuwaas oo taageero ka helay dunida.

XIGASHO BBC

{DAAWO MUUQAALKA} Soomaaliya oo kaalmaha hore kasoo gashay dalalka ugu badan ee xukunka dilalka ah fuliya.

Arbaco 29, May 20224 {HMC} Soomaaliya oo kaalmaha hore kasoo gashay dalalka ugu badan ee xukunka dilalka ah fuliya. HOOS KA DAAWO MUQAALKA WARBIXINTA https://youtu.be/5dbL1NZR1ls

{DAAWO MUUQAALKA} Gabdho tacsi u dhigay Aabahood 8 sano ka hor oo hadda arkay muuqaalkiisa.

Arbaco 29, May 20224 {HMC} Gabdho tacsi u dhigay Aabahood 8 sano ka hor oo hadda arkay muuqaalkiisa. HOOS KA DAAWO MUQAALKA WARBIXINTA https://youtu.be/0vpKIV_tzb0

WARARKA