Talaado-30-April -2024 {HMC} Ciidamada deegaanka ee koonfurta gobolka Mudug ayaa maanta gacanta ku dhigay nin la sheegay inuu ahaa madaxii sirdoonka Al shabaab, kaas oo lagu magacaabo Farxaan Shalaange, ninkaan ayaa sheegay in uu sahan u ahaa Al shabaab waxaana lagu qabtay duleedka deegaanka Bacaadweyne.
Ciidamada fuliyey howlgalka lagu qabtay ninkaan waxaa hoggaaminayey sarkaal lagu magacaabo Gurey Nuur oo ah taliyaha ciidanka Macawiisleyda ah ee ka howlgala aagga deegaanka Bacaadweyne, dadka deegaanka ayaa ciidanka ku garab siiyey soo qabashada ninkaan oo ku howlanaa uruurinta xogta ciidanka ka howlgala deegaanadaas.