Faah Faahino dheerad ah ayaa laga helayaa, Daadad Xoog leh oo xalay kusoo rogmaday Xaafado Kamid ah Magaalada Baladweyne ee Gobolka Hiiraan Kadib Markii roob uu ka da’ay Magaalada iyo Deegaanada Kale ee hoos-yimaado.
Daadadka ayaa sababay In boqolaal qoys ay xalay iskaga Barakacaan Xaafado kamid ah Magaalada Baladweyne. Dhibaatada ugu daran waxaa wajahay dadka ku nool Xaafada Kooshin gaar ahaan laanta Kutiimbo iyo Raadeerka, kaasi oo biyo aad ufarabadan ay guryahooda buux dhaafiyeen.
Dadka daganaa Xaafadahan ayaa Hiiraanweyn u sheegay in dhamaan Alaabtii guriga u taalay Sida Cunada, Jiifka iyo Alaabta kale ay biyaha ka qaadeeyn. Waxaana ay intaasi ku dareeyn in biyaha ay kala baxeeyn oo kali ah Caruurtooda.
Laamiga dheer ee isku xiro Magaalada iyo Deegaanka Ceeljaale ayey xalay biyaha dul-mareeyn taasi oo Cabsi dadka ku Abuurtay. Dad badan ayaa xalay seexday Laamiga dhinaciisa madaama biyaha ay guryahoda ka galeeyn.
Ilaa iyo hada lama oga Khasaaraha Rasmiga ah ee ah in ay dad wax ku noqdeeyn iyo dhibaatada gaartay dadka. Maamulkane Sidoo kale wax war ah kama soo bixin.